2013

Geisschüng Toni II.

Team 2013:

Näll Katharina, Chüng Toni, Under Edith, Ober Bruno

Nr. 23  Tipisch Schwiiz >>> Oktoberfäscht

Was ist eigentlich typisch Schweiz?

Welche Traditionen haben bei uns noch ihren Reiz?

Isch es Heloween oder Oktoberfäscht

oder kennt mä bi iis doch nur Schwing- und Älplerfäscht?

Isch es Chässchnittä, d'Servela oder d'Wiiswurscht?

Isch es Cheli, Wii oder ä Humpä Biär firä Durscht?

Oi d'Sprach und d'Liit wärdid immer bunter,

i dr Schwiizer Fuessball-Nati hed's bald meh Witsch drunter.

Hesch ä Gschäftseröffnig, ä Kantonspräsidäntäfiir oder suscht ä Apéro,

machsch am beschtä äs Fäscht wie uf dr Wiesen und d' Liit wärdid i Scharä cho.

Oi dr Berlinger-Sport het das Motto fiir sis Gschäft entdeckt

und drum die ganz Familie i Lederhose und Dirndl gesteckt.

Und bruichsch fiir sonä Event s'richtig Out-Fit

so gasch zum H+M oder Vögeli - das isch dr Hit.

Überall chasch Dirndl und Lederhosä ha,

sogar bim C+A - weisch dä zieht alli a!

Ach was söll's, dr biä sii isch doch wichtig

ob Älplerchilbi oder Oktoberfäscht - beides isch richtig.

Miär Geissälpler wend oi nid zrug schtah

und wends vorallem gmiätlich und luschtig ha.

Trotzdäm trägid miär Sorg zum iheimischä Holz

und fiirid oi isi Briich mit richtigem Schwiizer-Stolz.

zur Fotogalerie

zu 2014

zu 2012